Áttavitinn
Á þessu 4 vikna námskeiði kortleggjum við persónulega styrkleika og gildi.
Við stuðlum að betri sjálfsvitund, vellíðan og trú á eigin möguleikum sem eykur sjálfstraust og skapar skýrari stefnu í lífinu.
Námskeiðið byggir á kenningum jákvæðrar sálfræði og markþjálfunar þar sem persónulegir styrkleikar eru taldir lykilatriði í lífshamingju, seiglu og árangri. Lögð er áhersla á persónulega þátttöku, virka hlustun og samtal – í umhverfi þar sem öryggi, virðing og vöxtur eru í forgrunni.
Þátttakendur læra meðal annars að:
- Að bera kennsl á og nýta eigin styrkleika
- Að virkja þá í daglegu lífi og í tengslum við framtíðaráform
- Þekkja og virða styrkleika annarra – sem eflir tengsl, samstarf og félagslega virkni.
- Bera kennsl á og endurskoða eigin gildi og hvaða áhrif þau hafa á ákvarðanir og stefnu í lífinu
- Efla sjálfsþekkingu og skýra framtíðarmarkmið
Þátttakendur læra einföld, hagnýt verkfæri til að vinna með sína styrkleika og gildi til þess að verða öflugri í persónulegu lífi og/eða á vinnumarkaði.
Með því að tengjast og styrkja innri áttavita, öðlumst við skýrleika og hugrekki til að stíga næstu skref.
Á námskeiðinu aukum við sjálfsþekkingu, færni og trú á eigin getu, setjum okkur markmið og eflum félagsleg tengsl.
Námskeiðið er kennt einu sinni í viku, 1,5 klst í senn í fjórar vikur.
Þátttakendur sinna léttum verkefnum tengdum námskeiðinu á milli tíma.
Námskeiðið er haldið í litlum hópum í þægilegu rými Sjálsræktar.
Næsta námskeið verður í janúar 2027.
Kennarar: Guðrún Arngrímsdóttir og Hrafnhildur Reykjalín
ATH. Flest stéttarfélög greiða niður námskeið á vegum Sjálfsræktar. Við hvetjum þig til að kanna möguleika hjá þínu stéttarfélagi.
Ég fann styrkleikana mína og lærði að lifa meira í takt við lífsgildin mín. Það hefur styrkt mig í að standa betur með sjálfri mér.
Það var ótrúlega dýrmætt að uppgötva mína styrkleika og læra að lifa meira í takt við lífsgildin mín. Námskeiðinu var mjög vel stýrt af Guðrúnu og Hrafnhildi. Mæli 100% með!
Áttavitinn
4 vikna námskeið
Verð kr. 44.000
