Um okkur

Sjálfsrækt varð til út frá sameiginlegri ástríðu okkar fyrir heilsu og vellíðan.

Við höfum báðar starfað við heilsueflingu frá árinu 2010 og andleg og líkamleg vellíðan hefur alltaf verið stór hluti af lífi okkar. Þótt leiðir okkar hafi verið ólíkar áttum við sömu sýn: að raunveruleg heilsa byggist á jafnvægi milli líkama og huga.

Við kynntumst í meistaranámi í jákvæðri sálfræði árið 2018. Þar kviknaði samstarf sem leiddi til þess að við stofnuðum Sjálfsrækt og opnuðum heilsumiðstöðina í janúar 2021. Frá upphafi var markmiðið skýrt: að skapa stað þar sem fólk getur hreyft sig án pressu, hvílst án samviskubits og byggt upp heilsu sem endist. 

Það sem við trúum á

Við trúum því að heilsa verði til þegar líkami, hugur og taugakerfi fá að vinna saman. Þess vegna byggir þjónusta okkar á heildrænni nálgun þar sem hreyfing, endurheimt, fræðsla og aukin líkams- og sjálfsvitund styðja hvert annað.

Við trúum því líka að sjálfsrækt sé ekki skammtímalausn heldur samspil margra lítilla skrefa sem, með tímanum, hafa djúpstæð áhrif á heilsu og líðan. Í allri okkar vinnu höfum við að leiðarljósi gildin okkar: Virðing. Vöxtur. Vellíðan.

Hvað bjóðum við upp á?

Við bjóðum upp á fjölbreytta þjónustu fyrir einstaklinga, hópa og fyrirtæki.

Í heilsumiðstöðinni bjóðum við meðal annars upp á hreyfitíma, djúpa slökun, fræðslu, námskeið og retreat sem styðja við líkamlega og andlega vellíðan.
Við vinnum einnig með fyrirtækjum og stofnunum um allt land og bjóðum upp á fyrirlestra, vinnustofur, hreyfi- og slökunarstundir og fræðslu sem styður við vellíðan starfsfólks og heilbrigða vinnustaðamenningu.

Markmið okkar er alltaf það sama: að veita hagnýt verkfæri sem styðja við betri heilsu og aukna vellíðan í daglegu lífi. 

Það sem skiptir okkur máli

Við viljum að Sjálfsrækt sé staður þar sem auðvelt er að mæta eins og maður er. Staður þar sem er rými til að hreyfa sig, anda, læra, styrkjast og finna aftur tenginguna við sjálfan sig. Við tökum vel á móti þér í Sjálfsrækt.