Sjálfsumhyggja

– grunnur að vellíðan

Sjálfsumhyggja snýst um hvernig við komum fram við okkur sjálf, sérstaklega þegar á reynir. Í hraða og kröfum nútíma vinnuumhverfis er algengt að fólk geri miklar kröfur til sín en gleymi að sýna sér skilning og mildi. Með aukinni sjálfsumhyggju getum við byggt upp meiri innri styrk, jafnvægi og seiglu í starfi.

Í fyrirlestrinum skoðum við hvernig við getum tileinkað okkur viðhorf þar sem við mætum okkur sjálfum af meiri velvild, líkt og við myndum gera við góðan vin. Við fjöllum um áhrif sjálfsumhyggju á streitu, sjálfsgagnrýni og samskipti og kynnum hagnýtar aðferðir sem styðja við aukna ró, skýrleika og vellíðan í daglegu starfi.

Markmið og ávinningur:

Markmið fyrirlestrarins er að auka skilning á mikilvægi sjálfsumhyggju og veita þátttakendum einföld og hagnýt verkfæri til að efla eigin vellíðan og seiglu.

Ávinningur getur m.a. verið:

• Minni streita og dregið úr sjálfsgagnrýni
• Aukið jafnvægi og betri viðbrögð við álagi
• Meiri vellíðan, bjartsýni og starfsánægja
• Aukin samkennd, bæði gagnvart sjálfum sér og öðrum
• Heilbrigðari samskipti og jákvæðari vinnustaðamenning